​Митингчилер фабриканы өрттөп жиберишти

​Митингчилер фабриканы өрттөп жиберишти
11-Апр. 2018, Шаршемби, 17:05

Тогуз-Торо районундагы “Макмал” алтын комбинатынын алдына митингге чыккан эл анын жанына курулган “Джи Эл Макмал Девелопинг” фабирикасынын курулуштарын өрттөп ийди. Бул тууралуу ИИМдин маалымат кызматы билдирди.

Маалыматка караганда, "Макмал" комбинатынын жанына курулуп жаткан “Джи Эл Макмал Девелопинг” фабрикасынын иштешине каршы чыккан жергиликтүү тургундар нааразычылык акциясына чыгышкан.

Негизинен жаш балдардан турган топ “Джи Эл Макмал Девелопинг” фабрикасынын аймагына кирип барып, тосмолорду талкалап, курулуп жаткан үйлөрдү, фабриканы жана техниканы өрттөп жиберишкен.

Жерине келе жаткан өрт өчүрүү кызматынын унаалары жол тосулуп калгандыктан, жете алыган жок.

Жеринде 30 милиционер иштеп, тартип көзмөлдөнүп жатат. Учурда коомдук тартип калыбына келтирилип, жергиликтүү элге түшүндүрүү иштери жүргүзүлүп жатат.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!