Таштанды буюмга “өмүр” тартуулаган тарбиячы

Таштанды буюмга “өмүр” тартуулаган тарбиячы
17-Июль 2017, Дүйшөмбү

Ош шаарындагы №13 балдар бакчасынын тарбиячысы Жанаргүл Чынкелдиева бала бакчанын алдындагы короого желим бөтөлкө, ДВП материалынын кесиндилери, таштардан “жомок каармандарын” түзгөн.

“Бала бакчада керексиз буюмдардан керектүү нерселерди жасообуз зарыл болот. Беш литрлик желим бөтөлкөлөрдөн паровоздорду жасадык, ДВП материалдарына адегенде жомок каармандарынын сүрөтүн тартып, кыркып, боеп бакчанын короосуна жайгаштырдык. Балдарды сыртка сейилдөөгө алып чыкканда жомокту ошол сүрөттөрү менен айтып беребиз”,-деди тарбиячы.

Жаратман тарбиячы жердин бетин казып, ага бир литрлик желим бөтөлкөлөрдү тизүү менен көпөлөктүн сүрөтүн түшүргөн. Бакчадагы кол менен жасалган кооздуктар жаз алды менен жаңыланып турат.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!