Интернет жылдызына айланган 74 жаштагы саанчы апа (видео)

Интернет жылдызына айланган 74 жаштагы саанчы апа (видео)
2-Окт. 2017, Дүйшөмбү, 17:43

Кыргыз тилиндегы ырды маанисин жоготпостон так ырдоону эскертүү менен интернет жылдызына айланган 74 жаштагы пенcионер Бурул Карагулова : “Кыргыз ырларын так, маанисин жоготпой, табитине жеткире ырдасак”,- деп билдирди “Zaman.kg” маалымат агенттигине.

Пенcионер апанын айтымында, бул видео үстүбүздөгү жылдын 21-сентябрында Ысык-Көл районунун Чок-Тал айылында чай үстүндө жай отурганда тартылган. Алар ал жакка эс алууга барганында видоену сиңдиси Далбаева Жакин тартып алган.

“Кесибим боюнча мен тилчи эмесмин, жаш кесимде жөн гана саанчы болуп эмгектенгем. Бирок, мен өз эне тилибиздеги сөздөрдү так айтылышын жана кыргыз тилиндеги ырлар бурмаланбашын, маанисин жоготпоосун каалайм. Ошондуктан жаштарыбызга, жакындарыма жана өз неберелериме ар дайым кайсы гана жерде болбосун кыргыз тилинде так сүйлөөнү эскертип турам”,-дейт Карагулова.

Бурул апа азыркы мезгилде Москва районунун Петровка айылында жашайт.




Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!