16-ноябрь: тоолордо кар жаайт

16-ноябрь: тоолордо кар жаайт
16-Ноя. 2017, Бейшемби, 09:27

Бүгүн, 16-ноябрда түнкүсүн көпчүлүк аймактарда жаан жаап, Чүй, Талас өрөөндөрүндө жана тоо этектеринде карга айланышы, тоолордо кар жаашы күтүлөт. Күндүз Ысык-Көл облусунун көпчүлүк аймактарында жаан жаап, тоолордо кар жаайт, калган аймактарда жаан-чачын болбойт. Батыштан соккон шамалдын ылдамдыгы секундасына 3-8 метрден, Ысык-Көл акваториясында 15-20 метрге жетет. Бул тууралуу Кыргызгидромет кызматы билдирди.

Абанын температурасы:

Чүй өрөөнүндө түнкүсүн -2...+3, күндүз +2...+7;

Талас өрөөндөрүндө түнкүсүн -2...-7, күндүз +1...+6;

Ош, Баткен жана Жалал-Абад облустарында түнкүсүн -2...+3, күндүз +6...+11;

Ысык-Көл жергесинде түнкүсүн -3...+2, күндүз +0...+5;

Нарын облусунда түнкүсүн -3...-8, күндүз +0...+5;

Бишкек шаарында 16-ноябрда түнкүсүн мезгил-мезгили менен жаан жаап, аягы карга айланышы мүмкүн. 16-ноябрда күндүз жана 17-18-ноябрда жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет. Абанын температурасы түнкүсүн +0...-2, күндүз +5...+7 градус жылуу болот.

Ал эми 17-18-ноябрда жаан-чачын болбойт.


Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!