​Хорватия финалга чыкты

​Хорватия финалга чыкты
12-Июль 2018, Бейшемби, 13:14

Дүйнө чемпионатынын чечүүчү күндөрүнө аз калганда Хорватия 2:1 эсебинде Англияны утуп алгачкы жолу финалга чыкты. Москванын “Лужники” стадионунда өткөн жарым финалдык беттешүүнүн негизги бөлүгү 1:1 эсебинде аяктады. 2-таймда Хорватия — 57 пайыз, Англия — 43 пайыз топко ээлик кылды.

Кошумча убактытта болсо Марио Манджукич санды өзгөртүп, жеңиш голун тепти. Ошентип калыстын ышкырыгы жаңырып, Хорватия курамасы 2:1 эсебинде жеңишке жетти.

Эми Хорватия курамасы финалда Франция курамасы менен 15-июлда күч сынашат. Ал эми Англия коло медалдар үчүн Бельгия курамасы менен 14-июлда кездешет.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!