«Жергиликтүү кеңештердин депутаттарынын статусу жөнүндө» мыйзам өзгөрдү

«Жергиликтүү кеңештердин депутаттарынын статусу жөнүндө» мыйзам өзгөрдү
28-Июль 2018, Ишемби, 16:33

Кыргыз Республикасынын президенти Сооронбай Жээнбеков «Жергиликтүү кеңештердин депутаттарынын статусу жөнүндө» мыйзамга өзгөртүү киргизүү тууралуу мыйзамына кол койду.

Аталган мыйзам Жогорку Кеңеш тарабынан 2018-жылдын 28-июнунда жергиликтүү кеңештердин депутаттарын төш белгилер менен камсыздоо тартибин өркүндөтүү максатында кабыл алынган.

Анда жергиликтүү кеңештин депутатынын күбөлүгүнүн жана төш белгисинин үлгүсүн, ошондой эле алар жөнүндөгү Жобону мыйзам аркылуу эмес, Кыргыз Республикасынын Шайлоо жана референдум өткөрүү боюнча борбордук комиссиясы тарабынан бекитилиши каралган.

Мыйзам расмий жарыяланган күндөн тартып он күн өткөндөн кийин күчүнө кирет.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!