Шайлоого карата жумушчу топ түзүлдү

 Шайлоого карата жумушчу топ түзүлдү
16-Июнь 2017, Жума

Күзүндө өтчү президенттик шайлоо боюнча Борбордук шайлоо комиссиясы жети жумушчу топ түздү. Бул тууралуу БШКнын төрайымы Нуржан Шайлдабекова маалымат жыйынында билдирди.

Ага ылайык, жумушчу топтор шайлоого катышуу боюнча жарандарга маалымат жеткирүү, шайлоо жараянына даярдык көрүү, үгүт иштерин жүргүзүүдө эрежелерди сактоо, президенттикке талапкерлерден жана алардын ыйгарым укуктуу өкүлдөрүнөн документтерди кабыл алуу, шайлоочулардын арыз-даттанууларын карап чыгуу, көзөмөл-ревизия жүргүзүү, ыкчам чара көрүү жана президенттикке талапкерлерден жана алардын ыйгарым укуктуу өкүлдөрүнөн топтолгон кол тууралуу баракчаны кабыл алуу жана текшерүү багытында иш алып барышат.

Ошондой эле БШК шайлоонун календардык планын бекитип, таларкерлер 10-сентябрдан 14-октябрга чейин үгүт иштерин жүргүзө алышарын билдирди. Ал эми шайлоонун жыйынтыгы 4-ноябрдан кечикпей жарыяланууга тийиш.

Белгилей кетсек, президенттик шайлоого Темир Сариев, Өмүрбек Бабанов, Бакыт Төрөбаев, Сооронбай Жээнбеков, Ахматбек Келдибеков жана Турсунбай Бакир уулу ат салышарын расмий билдирген.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!