Шайлоону өткөрүүгө каражат бөлүндү

Шайлоону өткөрүүгө каражат бөлүндү
14-Июль 2017, Жума

Финансы министри Адылбек Касымалиевдин берген маалыматына караганда шайлоону өткөрүү үчүн 471,4 млн. сом ( шайлоонун эки айлампасын эске алуу менен) жана Тышкы иштер министрлигине чет мамлекеттерде шайлоо участкаларын ачуу үчүн 8,2 млн. сом бөлүнгөн.

Өкмөткө караштуу мамлекеттик каттоо кызматынын төрагасы Дастан Догоев белгилегендей, ар бир райондо шайлоочулардын дарегин жана тизмесин тактоо боюнча иштерди жүргүзүү үчүн штабдар түзүлдү.

«Мындан тышкары БШК менен биргеликте 1072 аты белгисиз көчөлөр жана бирдей аталыштагы көчөлөр аныкталды. Азыркы кезде биометрикалык маалыматтары боюнча жарандар тизмеси 2 млн. 954 547 жаран, тизмедеги шайлоого катышуучу жарандар 2 млн. 893 453 жаран. 26 миң 33 жаран каза болгондугуна байланыштуу жана 2964 жаран башка өлкөнүн жарандыгын алгандыгына байланыштуу тизмеден чыгарылды», - деп маалымдады.

Мамлекеттик каттоо кызматынын төрагасы Дастан Догоев белгилегендей, шайлоо учурунда 9500 оператор идентификация боюнча, 500 адис жардам берүү жана окутуу боюнча иш алып барат.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!