21-августта жаңы өкмөт башчы шайланат

21-августта жаңы өкмөт башчы шайланат
18-Авг. 2017, Жума

Жогорку Кеңеш 21-августта кезексиз сессияга чогулат.

КСДП фракциясы билдиргендей, кезексиз сессияда депутаттар азыркы өкмөт башчы Сооронбай Жээнбековдун президенттикке талапкерлигин койгондугуна байланыштуу жаңы премьер-министрди шайлап, өкмөт курамын бекитет.

Буга чейин Чолпон-Атада өткөн маалымат жыйынында президент Алмазбек Атамбаев сентябрь айына чейин жаңы министрлер кабинетин түзүү зарылдыгы келип чыгарын белгилеген.

Алдын ала маалыматтар боюнча өкмөт башчылыкка президенттик аппараттын башчысы Сапар Исаков барышы ыктымал.

15-июлда КСДП фракциясы өткөргөн курултайда Сооронбай Жээнбековду талапкер катары көрсөтүшкөн.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!