Жээнбеков расмий талапкер болуп катталды

Жээнбеков расмий талапкер болуп катталды
21-Авг. 2017, Дүйшөмбү

Президенттикке талапкер Сооронбай Жээнбеков расмий түрдө катталды. БШКнын төрайымы Нуржан Шайлдабекова ага талапкер деген күбөлүк тапшырды.

Жээнбеков буга чейин мамлекеттик тил сынагын ийгиликтүү тапшырып, 46 миң жарандын колун топтогон.

Бүгүн, 21-августта өкмөт башчылык кызматын тапшырып жатканын жарыялап, түштөн кийин өлкө башчысы Алмазбек Атамбаевдин кабыл алуусунда болуп, кызматтан кетүү тууралуу арызын тапшырарын билдирди.

Жээнбеков министрлер кабинетин 1 жыл төрт ай жетектеди.

Буга чейин президент болуу ниетин билдирген эки талапкер: Темир Сариев, Өмүрбек Бабанов БШКнын расмий каттоосунан өткөн.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!