Президент Жээнбековдун арызын кабыл алды

Президент Жээнбековдун арызын кабыл алды
21-Авг. 2017, Дүйшөмбү

Бүгүн, 21-августта президент Алмазбек Атамбаев премьер-министр Сооронбай Жээнбековду кабыл алды.

Мамлекет башчынын маалымат кызматы билдиргендей, Жээнбеков БШК президенттикке талапкер кылып каттагандыгына байланыштуу өкмөт башчылык кызматын тапшыруу чечимин кабыл алганын маалымдады.

Ал коомдук-саясий кырдаалды тең салмакта кармоо үчүн бардык талапкерлерге бирдей шарт түзүлүүсү керектигин, административдик ресурстун колдонулуусуна жол берилбеши үчүн ушул чечимди кабыл алганын белгиледи.

Өз кезегинде өлкө башчысы Алмазбек Атамбаев Жээнбековдун кызматтан кетүү тууралуу арызын кабыл алып, бул кадам анын чынчылдыгын далилдегенин билдирди.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!