Атамбаев парламент төрагасына кат жолдоду

Атамбаев парламент төрагасына кат жолдоду
22-Авг. 2017, Шейшемби

25-августта парламент кезексиз сессияга чогулушу ыктымал.

Бул тууралуу Жогорку Кеңештин төрагасы Чыныбай Турсунбековго кат жолдонгонун президент Алмазбек Атамбаевв парламенттеги көпчүлүк коалициянын фракция лидерлери менен жолугушууда билдирди.

Мамлекет башчынын маалымат кызматы билдиргендей, президент Атамбаев президенттик шайлоо алдында аткаруу бийлиги туруктуу жана натыйжалуу болушу керектигин белгилеп, жаңы өкмөттүн алдында маанилүү милдеттер турганын эскертти.

“Шайлоого даярдык көрүү жана аны өткөрүү, ага удаа күзгү талаа иштерин өткөрүү, кышка даярдык көрүү туралуу болочоктогу өкмөттүн алдында маанилүү милдеттер турат. Ошол себептүү Жогорку Кеңештин төрагасы Чыныбай Турсунбековго өкмөттүн жаңы курамын түзүү үчүн 25-августта кезексиз сессия өткөрүү тууралуу кат жолдодум”,-деди өлкө башчысы.

Жолугушууга КСДП фракциясынын лидери Иса Өмүркулов, “Кыргызстан” фракциясынын лидери Алмазбек Батырбеков жана “Бир Бол” фракциясынын лидери Алтынбек Сулайманов катышты.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!