Кыргызстан Мьянмадагы кырдаалга тынчсызданат

Кыргызстан Мьянмадагы кырдаалга тынчсызданат
5-Сен. 2017, Шейшемби

Акыркы болуп жаткан Мьянмадагы кырдаал боюнча Кыргызстан тынчсыздануусун билдирип, бардык тараптарды маселени тынчтык жолу менен жөнгө салууга чакырат.

Тышкы иштер министрлигинин расмий өкүлү Айымкан Кулукеева билдиргендей, Кыргызстан Бирриккен улуттар уюмунун (БУУ) жана Ислам конференциясы уюмунун жобосун жетекчиликке алуу менен Мьянмадагы мусулман коомчулугуна карата түзүлгөн кырдаалга кабатырлануусун билдирген.

Жалпыга маалымдоо каражаттарында көпчүлүк бөлүгүн буддалар түзгөн Мьянмада жергиликтүү бийлик тарабынан мусулмандар кысымга алынууда. Мындан улам Мьянмадан Бангладешке качууга аргасыз болгон рохинжа мусулмандарынын саны өсүп, кагылыштарда жана жоокерлердин чабуулунан 400 адамдын өмүрү кыйылганы айтылууда.

5-сентябрга белгиленген футбол боюнча Азия кубогуна тандоо оюндарынын алкагында Кыргызстан менен Мьянма өлкөлөрүнүн ортосундагы беттеш коопсуздук маселелеринен улам өтпөй калды. Мындай чечимди өкмөт башчы Сапар Исаков чукул кабыл алган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР