Кардиолог өкмөт башчыга кеңешчи болду

Кардиолог өкмөт башчыга кеңешчи болду
3-Окт. 2017, Шейшемби, 10:14

Россиядагы белгилүү кардиологу Алексей Коротеев өкмөт башчы Сапар Исаковдун коомдук башталыштагы кеңешчиси болуп дайындалды.

Бул тууралуу өкмөттүн маалымат кызматы билдирди.

Алексей Коротеев көп жылдар бою РОссиядагы Б.В.Петровский атындагы илимий хирургия борборунда эмгектенген. 2004-жылы ал жүрөктүн жасалма толтосун иштеп чыккан. 2011-жылы бейтаптын ооруган жүрөгү чоңоюп кетпеши үчүн дакрондук торчо кийгизүү жолу аркылуу, жүрөктүн оор дартын дарылоонун жаңы ыкмасын ойлоп тапкан. Бул ыкма менен 115 бейтапка операция жасаган.

Орусияда алгачкы жолу жүрөктүн жасалма толтосун имплантация жасап, 42 жолу операция кылган. 2005-жылы Орусияда биринчи жолу EXCOR BIVAD жүрөктүн жасалма толтосун бейтапка салып операция өткөргөн.

Эскерте кетсек, ушул жылдын 25-августунда өкмөт башчы Сапар Исаков Жогорку Кеңеште өкмөттүн «Жаңы доорго – кырк кадам» программасын сунуштап жатып, өкмөттүн ишмердүүлүгүндөгү эң негизги багыттардын бири рак ооруларына жана жүрөк-кан тамыр илдетинен жабыркагандарга кам көрүү экенин билдирген.

Буга байланыштуу Алексей Коротеев премьер-министрдин коомдук башталыштагы кеңешчиси катары өлкөдөгү жүрөк-кан тамыр ооруларынан жабыркаган жарандарга медициналык жардам көрсөтүү системасындагы бардык маселелер боюнча жооп берет.

Эскерте кетсек, буга чеин өкмөт башчы Исаков батыштагы белдүү университеттердин төрт бүтүрүүчүсүн кеңешчи кылып алган болчу.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!