Республикалык шайлоо штабын Абдыгулов жетектейт

Республикалык шайлоо штабын Абдыгулов жетектейт
10-Окт. 2017, Шейшемби, 14:19

Шайлоону өткөрүү боюнча республикалык штабдын жетекчилигине биринчи вице-премьер-министр Толкунбек Абдыгулов дайындалды.

Тиешелүү жарлыкка бүгүн, 10-октябрда өкмөт башчы Сапар Исаков кол койгонун өкмөттүн маалымат кызматы билдирди.

Премьер-министрдин дагы бир жарлыгы менен шайлоо штабынын башчысынын орун басарылыгына өкмөт аппаратынын башчысы Нурканбек Момуналиев, мүчөлүгүнө өкмөттүн эл аралык кызматташтык бөлүмүнүн башчысы Айбек Айдарбеков дайындалды.

Белгилей кетсек, буга чейин президенттик шайлоо өткөрүү боюнча республикалык штабды вице-премьер-министр Дүйшөнбек Зилалиев жетектеген. Ал аймактардагы шайлоого карата даярдыкты текшерүү учурунда бийлик тарабынан сунушталган талапкерди колдоого чакырык таштаганы үчүн эскертүү .андан кийин катуу сөгүш алды. Анын ордуна 21-сентябрь күнү вице-премьер-министр Темир Жумакадыров дайындалган. 7-октябрь күнү Темир Жумакадыров Таластагы шайлоого карата даярдык менен таанышуу үчун бара жатып жол кырсыгына кабылып, айдоочусу жана жардамчысы менен мерт кеткен.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!