Өкмөт: эртеңки шайлоо толук даярбыз!

Өкмөт: эртеңки шайлоо толук даярбыз!
14-Окт. 2017, Ишемби, 09:02

Кыргызстан эртең, 15-октябрда өткөрүлө турган президенттик шайлоого даяр экенин биринчи вице-премьер жана шайлоого даярдык көрүү боюнча республикалык штабдын жетекчиси Толкунбек Абдыгулов билдирди.

Анын берген маалыматына караганда өлкө боюнча 2 375 шайлоо участкасы иштейт. Бардык аймактардагы шайлоо комиссиялары тиешелүү техника менен камсыздалган. Электр энергиясын үлгүлтүккө учуратпоо тапшырмасы берилген.

Борбордук шайлоо комиссиясы билдиргендей, жалпысынан шайлоого көз салуу үчүн миңге жакын байкоочу каттоодон өтүшкөн. Мындан сырткары 115 чет элдик жалпыга маалымдоо каражаттары да шайлоо жараянын чагылдыруу укугун алышкан.

Ички иштер министринин орун басары Алмаз Орозалиевдин айтымында, шайлоо күнү 9384 милиция кызматкери коомдук тартипти жана коопсуздукту көзөмөлдөйт.

Мамлекеттик каттоо кызматынын төрагасы Дастан Догоев шайлоо күнү техникалык колдоо көрсөтүүчү 500 адис иштээрин, дагы 200 кызматкер шайлоо участкаларындагы кошумча ишке тартыларын билдирди.

Эртең, 15-октябрда президенттик шайлоо өтөт.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!