Атамбаев: "Жаңы өкмөт мага жагат"

Атамбаев:
20-Ноя. 2017, Дүйшөмбү, 11:18

Сапар Исаков баштаган өкмөт курамы президент Алмазбек Атамбаевге жагат. Ал мындай оюн журналисттердин суроолоруна жооп берип жатып билдирди.

"Жаңы өкмөт мага жагат. Айрым кемчиликтери да болду. Мына ошол себептүү вице премьер-министр Дүйшөнбек Зилалиев кызматтан кетти",-деди Атамбаев.

Президент ошондой эле азыркы өкмөт "Таза коом" долбоорунун үстүндө иштеп жатканын кубаттай турганын белгиледи.

Сапар Исаков баштаган жаңы өкмөт 25-августта шайланган. Вице-премьер-министр Дүйшөнбек Зилалиевдин ысымы бир топ чырлуу иштерге байланыштуулугу айтылып жүрөт. Ал чехиялык Лигласс компаниясынын ГЭС куруу боюнча долбоор, андан кийин президенттик шайлоо алдында бийлик тарабынан сунушталган талапкерди үгүттөө жана "Суу кодексине" өзгөртүүлөрдү киргизүү мыйзамынын демилгечиси катары коомчулуктун сынына кабылган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!